 |
| حساب عدد الاذكار باليد |
عن أبي هريرة أن رسول الله ﷺ قال: " مَنْ قَالَ سُبْحَانَ اللهِ وبِحَمْدِهِ في يَوْمٍ مِائَةَ مَرَّةٍ حُطَّتْ خَطَايَاهُ وَإنْ كَانَتْ مِثْلَ زَبَدِ البَحْرِ" متفق عليه.
صديقى العزيز أهلا بيك.
بم اننا فى رمضان والحسنة بعشر أمثالها والله يضاعف لمن يشاء فرمضان أانسب وقت لمغفره الذنوب والرجوع إلى الله عز وجل, علشان كده لازم نستغله كويس جدا. وأول حاجه ممكن نعملها هى اننا نستغل أى وقت فى ذكر الله وأفضل الذكر لا إله إلا الله. وعلشان نغفر ذنوبنا لازم نعرف الحديث الجميل ده " مَنْ قَالَ سُبْحَانَ اللهِ وبِحَمْدِهِ في يَوْمٍ مِائَةَ مَرَّةٍ حُطَّتْ خَطَايَاهُ وَإنْ كَانَتْ مِثْلَ زَبَدِ البَحْرِ".
ممكن تشوف ان مائة مره دى كتير اوى وهعد ازاى ؟!!
بس الصوره اللى فوق دى هتساعدك وأنت قاعد فاضى لمده 3 دقايق تقريبا هتخلصهم أو كنت فى المواصلات مثلا إستخدم عدد عقل اليد الواحدة زى الصوره كده هتلاقى نفسك خلصت الميت مرة من غير ما تحس بيهم.
حديث تانى فى فضل سبحان الله وبحمده :
من حديث جابر ـ رضي الله عنه ـ قال : قال رسول الله ﷺ : " من قال سبحان الله العظيم وبحمده غرست له نخلة في الجنة ".
وفيه حديث تانى فى العدد مائة وهو الحديث الجميل ده :
عن أم هانئ بنت أبي طالب قالت : مر بي رسول الله ﷺ فقلت: إني قد كبرت وضعفت , أو كما قالت , فمرني بعمل اعمله وأنا جالسه . قال : (( سبحي الله مائة تسبيحه , فإنها تعدل لك مائة رقبة تعتقينها من ولد إسماعيل , واحمدي الله مائة تحميده , تعدل لك مائة فرس مسرجه ملجمه تحملين عليها في سبيل الله , وكبري الله مائة تكبيره , فإنها تعدل لك مائة بدنه مقلده متقبله , وهللي مائة تهليله )) مسند الامام احمد.
مش هنكتر عن كده لو حفظت بس الحديثين دول وطبقطهم فى رمضان هتستفيد كتير جدا وكمان هتتعود على ذكرهم لبعد رمضان .
0 Comments